مشروع موقع للتسويق التجاري الإلكتروني لجميع منتجات المسلمين بجميع انحاء العالم

عدد الرسائل : 66 تاريخ التسجيل : 24/08/2008

:santa: السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
فكرة مشروع صغير ببساطة هيساعد كل الشباب ان شاء الله
لان اي شاب او فتاة كل مشكلتة هي تسويق المنتج
ان شاء الله نعمل موقع علي النت يتم فية عرض جميع منتجات الشباب المسلم والعربي
المطلوب:
1- ناس بتعرف تعمل مواقع
2- اي حد عندة اي منتج يحب يعرضة ان شاء الله نعرضة
ودة اسمة مشروع التسويق الالكتروني ومنتشر وناجح برة في دول اوربا جدا
3- صعب ان مثلا حد من منصورة يروح مصر او من مصر يروح طنطا علشان يشوف منتج لاكن وانتا قاعد في بيتك هتشوف كل المنتجات
3- لان من اكبر الصعوبات الي بتواجهنا كلنا وكل الشباب هي تسويق المنتج وعمل معرض
4- الخطة ان شاء الله انة يتم عمل ووضع صور للمنتج وإعلان عن سعر المنتج
5- ان شاء الله يشتغل شباب كتييييييييييييير جدا
6- بناخد نسبة من الربح علي المنتج بعد ما يتم تسويقة عبر موقعنا
7- شباب هيشتغل معانا كتيييييييييييييير ان شاء الله من كل المحافظات
8- ازاي ؟ انتا اي منتج يعجبك هتقول عاوز اشتري المنتج وتبعت رسالة خاصة بالعنوان ويصلك المنتج الي باب منزلك في اي محافظة
9- وبكدة ان شاء الله نكون عملنا انجح مشااااااااريع التسويق
10- يلاااااااااااا مين مستعد يشتغل معايا في المشروع دة
11- منتظر كل الشباب والاخوات اولا من مصر من صناع الحياة اي شباب وواحدة واحدة ان شاء الله المشروع يكبر ونعرض منتجات من الوطن العربي ونعمل سوق تجاري كبير الكتروني في العالم الإسلامي
يلا كل حد عندة اي منتج عاوز نعرضه ونصورة ونضع سعر علي موقعنا يقولنا
12- مين مستعد ينفذ مشروع الموقع للتسويق التجاري الالكتروني معايا ان شاء الله
13- ان شاء الله اخترت اسم للموقع منتج اسلامي
montag islame
اية رايكم في الاسم ان شاء الله
14- عاوز اقول كمان ان اكبر مشكلة بتواجة الشباب والاخوات هي التسويق منتج وانهم يلاقوا محل يرضي يعرض بضاعتهم دلوقت ان شاء الله مع موقعنا اتحلت المشكلة بفضل ربنا علينا ان شاء الله بمجرد الاعلان عن موقعنا من خلال الرسايل القصيرة وفي المنتديات طبعا كلنا هنحب نساعد ونشارك ونشجع الشباب والمنتج الإسلامي وليس المستورد
15- كمان مشكلة اي شاب او فتاة لسة مبتدئ انة معهوش فلوس يأجر دكان او يشتري دكان وديكور وبطاقة ضريبية وعداد ماية وعداد كهربا وتأمين ورخصة محل وفلوس للبضاعة وغير لو جاب عمال وكل دة في الاخر هيبقي منتجة بيتعرض في مكان واحد لاكن معانا ان شاء الله كل دة متوفر والناس هتتفرج وتشتري وتتسوق وهي قاعدة في البيت من غير ما تتعب ولا تنزل ولا تلف ولا تدور والحاجة الي تخترها هتوصلها لباب المنزل عن طريق شباب كتير هيشتغلوا معانا من جميع المحاظات كمندوبي توصيل وممكن شباب من الكلية يشتغلوا معانا بعد فترة دراسة او اي حد يحب يشتغل معانا يوصل البضاعة
ان شاء الله الي عاوز يشتغل معانا في موضوع توصيل البضاعة يقولنا
ان شاء الله
انا متقائل جدا يا جماعة بالتجارة الإلكترونية وبتشغيل شباب كتير وتسويق منتجات كتير اسلامية وصناعات يدوية ونشغل ستات البيوت زوي الدخول المنخفضة ومنعدمة الدخل
ان شاء الله
منتجك يتم تسويقة لكل الناس من كل المحافظات والبلدان وتحقق شهرة جامدة جدا
يارب نجحنا في حلمنا ومشوارنا
يارب بك نستعين
وعاوز اقول يارب لك وحدك الحمد والشكر كما ينبغي لفضلك وكرمك وجودك واحسانك ونعمك وسترك وعفوك ورضاك وعظمتك وكما ينبغي لجلال وجهك وعظيم سلطانك
وعاوز اقول ان الافكار دي موجودة في المنتدي هنا بس متنفذتش وكمان موجودة في دول برة كل الي حلمت بية هو اننا ننفذ المشروع دة بقي
وكمان الي عاوز ينفذ المشروع دة لوحدة يتفضل
كلنا بنساعد بعض ونساعد الشباب
يارب كل الشباب يشتغل
دي كانت محاولة بفضل ربنا لحل مشكلة التسويق
ان شاء الله منتظر ارئكم وافكاركم ومقترحاتكم ومين مستعد يشاركني في المشروع ومين يعرف يعمل موقع ومين عندة منتج عاوز يعرضة عندنا ومعانا في الموقع
واخر دعوانا ان الحمد لله رب العالمين والصلاة والسلام علي رسول الله محمد صلي الله علية وسلم
جزاكم الله كل خير
والسلام عليكم ورحمة الله وبركاتة